Pas bashkëpunimit me Elvana Gjatën në këngën “Love me” dhe pas singëllit “Ajo”, Bruno është kthyer në një nga këngëtarët më të pëlqyer në vend.
Ndëkohë që kënga e fundit në kanalin e tij në Youtube ka më shumë se 1 milionë shikime, këngëtari mësohet se ka gati projektin e radhës. Kjo mendohet të ketë qenë edhe arsyeja e tërheqjes nga skena gjatë muajve të fundit.
Së shpejti thuhet se ai do të prezantojë një këngë të re, me një këngëtare mjaft të njohur. Bruno do të bashkëpunojë me Artiola Toskën dhe jo vetëm kaq… Bruno dhe Artiola do të konkurrojnë së bashku edhe në “Kënga magjike”.
Nuk e dimë ende se si do të jetë kimia midis dy këngëtarëve, Bruno që i këndon ëmbël dashurisë dhe Artiola që njihet si bilbili i muzikës popullore.
Mbetet për t’u parë nëse do të realizohet ky projekt dhe me çfarë dueti do të na surprizojnë Bruno e Artiola.
