Marcelo Brozovic ka vendosur të mos largohet nga Interi.
Pak ditë më parë u përfol në media se Brozovic do të mund të braktiste Interin pas disa ofertave nga klube të ndryshme.
Menaxheri i mesfushorit kroat, i cili kërkohet nga klubet e Premier Leagues, ka përgënjeshtruar lajmet, ndërsa shprehet se Brozovic ndjehet mirë te skuadra e tij dhe nuk ka motiv që të largohet.
“Marcelo ndihet mjaft mirë, ndihet lojtar i rëndësishëm i Interit. Në Milano ai ndihet si në shtëpi dhe klubi është si familje për të. Ai nuk e ka lumturinë e plotë pasi nuk ka fituar ende trofe. Por, kualifikimi në Champions League ishte një realizim i një objektivi të rëndësishëm dhe një klub si Interi meriton të fitojë trofe. Brozovic beson se kjo do të ndodhë shpejt”, ka përfunduar menaxheri i futbollistit.
Kujtojmë që, Arsenali e Tottenhami janë interesuar për të marrë shërbimet e Brozovic./ Opinion.al E.Xh.
