Brokoli është një nga perimet e gjelbëra më të shëndetshme në botë. Është miqësore me stomakun, e lirë në çmim, plot me vlera shëndetësore dhe ka një shije mjaft të mirë.
Brokoli vjen nga familja e lakrës. Është një perim shumë i afërt me lulelakrën në veçanti. Origjina e brokolit është nga Italia. Fjala Broccoli është një përditësim i fjalës latinishte të “Brachium” që përkthehet ‘degë” ose “krah”. Ky përshkrim i përshtatet perimes së brokolit më së miri sepse ajo ka formën e një peme të vogël me degë të njoma që formojnë kurorën e bukur të një luleje të gjelbër. Në Itali, Brokoli njihet edhe si Kalabrese në emër të Kalabrisë, vendit ku u zbulua për herë të parë.
Nëse dëshiron të marrësh një dozë të mirë vitaminë C, por nuk të pëlqejnë frutat, atëherë ha brokoli. Perimja është e pasur me vitaminën e nevojshme.
Një filxhan çaji me brokoli të grirë përmban të njëjtën sasi vitaminash si portokalli duke e bërë atë një antioksidant të mirëfilltë. Brokoli është gjithashtu i pasur me vitaminën D dhe A, e rëndësishme në luftën kundër kancerit por edhe vitaminën K. Me këtë përmbajtje të lartë vitaminash, kalciumi, potasiumi dhe hekuri, brokoli mbron shëndetin e syve, lëkurën, lufton gurët në fshikëzën e urinës dhe mban dhëmbët dhe kockat të shëndetshme. Brokoli është i pasur me fibër, të tretshme dhe të patretshme. Duke qenë se trupi juaj ka nevojë për të dy llojet e fibrave, një një gur vret dy zogj siç thotë populli dhe duke konsumuar brokoli plotëson të dy nevojat e organizmit, por edhe ndihmon sistemin tretës të bëjë punën e vet më së miri. Brokoli përmban flavonoidin kaempferol i njohur si anti-inflamator i rëndësishëm në betejën kundër kancerit, diabetit dhe sëmundjeve të zemrës.
Brokoli ka një përbërës magjik që është më i efektshëm se sa të gjithë antibiotikët e tjerë kundër bakterit që shkakton ulçerën peptike. Kurora e brokolit përbëhet nga gonxhe të imëta. Nëse brokoli lihet në tokë dhe nuk mblidhet atëherë gonxhet do të çelin lule të bukura të verdha. Është e rëndësishme që brokoli të ruhet në hapësira të freskëta për të parandaluar çeljen e këtyre luleve që i japin perimes një shije të hidhur. Nese po përpiqesh të biesh në peshë, atëherë brokoli duhet të jetë patjetër pjesë e dietës suaj. Nëse e keni vënë re, kur ha brokoli ndihesh i/e ngopur menjëherë për shkak të nivelit të lartë të fibrave. Brokoli gjithashtu ka pak kalori ndaj është perfekt për njerëzit në dietë.
