Britania e Madhe nuk po shikon si opsion një marrëveshje të ngjashme si me Italinë për emigrantët. Lajmi është konfirmuar nga amabasadori i britanik në Shqipëri, Nicholas Abbott gjatë një interviste në emisionin “Opinion”.
Ai theksoi se “qeveria e re në Mbretërinë e Bashkuar do të shikojë për mënyra të reja novatore për ti qasur çështjes”.
Pjesë nga Intervista
Fevziu: Do ju pyes për turistët britanik më vonë por më parë dua t’ju pyes për marrëveshjen e Shqipërisë me Italinë lidhur me emigrimin dhe ndërtimin e kampit të emigrantëve në Gjadër. Kjo marrëveshje, ky model midis Shqipërisë dhe Italisë është parë nga pala Britanike si një opsion, si një shembull por hapat e radhës në adresimin e emigrimit të parregullt. A jeni vërtet të interesuar për të pasur të njëjtën marrëveshje me Shqipërinë?
Abbott: Mendoj se përgjigja është jo.
Fevziu: Përgjigja e vërtet është jo.
Abbott: Po, kam shumë spekulime mediatike për këtë çështje.
Fevziu: Po.
Abbott: Siç ju thash qeveria e re në Mbretërinë e Bashkuar do të shikojë për mënyra të reja novatore për ti qasur çështjes. Çka përmendët është një qasje e ndërmarrë nga Italia dhe Shqipëria dhe sigurisht që ne jemi të interesuar në këtë shembull. Kjo nuk do të thotë ama se kjo është fiks çfarë ne dëshirojmë. Jemi duke parë për mënyra të ndryshme për të adresuar çështjen.
