Çështja e Brexit tashmë është kthyer në një burim krizash për Britanin e Madhe, e cila po rishikon opsionin e një referendumi të ri.
Lidhur me këtë çështje, ka folur lideri i opozitës Jeremy Corbyn, i cili është shprehur se do të qëndroj neutral në rast se do të mbahet një referendum i ri në Britani.
Lideri opozitar, theksoi se kjo do t’i mundësonte atij kredibilitet si kryeministër për të përmbushur vullnetin e votuesve. Qëndrimi i Corbyn u kritikua nga kryeministri Boris Johnson, i cili tha se nuk duhet qëndruar indiferent përpara një çështjeje kaq të rëndësishme.
Ndërkohë, Mbretëria e Bashkuar do t’i drejtohet kutive të votimit me 12 dhjetor për zgjedhjet e parakohshme parlamentare të thirrura nga qeveria. Johnson pretendon të marrë një mazhorancë më të fuqishme për të aprovuar ujdinë e tij të re për Brexit dhe të përfundojë divorcin nga BE në janar të 2020./ Opinion.al
