Mesazhe në orën 02 të mëngjesit, mbledhje në mesin e natës, telefonata ministrash që vibrojnë mbi komodinë, në pallatin Elise, që kur ka ardhur Emmanuel Macron, nuk fle më askush.
Por ai që rri në këmbë me gjatë dhe punon më shumë, është pikërisht Presidenti i ri në moshë. Por situata ka shqetësuar zonjën e parë, Brigitte Macron, e cila i rrëfeu pakënaqësitë e saj për të përjavshmen “L`Express”.
“Macron duhet të kujdeset më shumë për veten”– tha ajo.
Shpesh darkat me politikanë përfundojnë pasmesnate, dhe në këtë pikë, shkruan gazeta duke përmendur disa raste, Macron kthehen në studion e tij ose në dhomën e gjumit sërish duke lexuar ose shkruar fjalime për ditën e nesërme. Kur nuk bën asnjë nga këto ai kontakton bashkëpunëtorët, ministrat e kështu me radhë. Me pak fjalë, tregon Brigitte ai nuk ndalet kurrë duke punuar.
Një nga bashkëpunëtorët e tij thotë se javën e kaluar, Macron e zgjati darkën zyrtare me delegacionin Italian deri në orën 2.30 të mëngjesit.
Të gjitha këto vonesa dhe përkushtim të bashkëshortit ndaj punës po i vuan më shumë 64 -vjeçarja, ish mësuesja e presidentin 39- vjeçar.
