Pas votës pro daljes së Britanisë së Madhe nga Bashkimi Europian, qytetarët britanikë kanë vërshuar drejt Ambasadës së Republikës së Irlandës, për t’u pajisur me pasaporta irlandeze.
Por Ministri i Jashtëm irlandez, Charlie Flanagan, bëri thirrje për ndalimin e valës së aplikimeve, pasi nuk do të jetë e mundur pajisja me pasaportë. Qytetarëve britanikë u them të aplikojnë për pasaporta vetëm në rastet kur janë në shërbim të Republikës së Irlandës, deklaroi kreu i diplomacisë irlandeze.
Fundjavën e kaluar, zyrat postare në Irlandën e Veriut, një vend që votoi kundër daljes nga BE, njoftuan mbarimin e formularëve të aplikimit për pasaportë të Republikës së Irlandës.
Të premten, pas votës pro largimit, motori i kërkimit “Google”, raportoi një rritje të konsiderueshme të personave që kërkonin në internet se si mund të pajiseshin me pasaportë irlandeze.
Vota e Brexit ka përçarë vendet në Britaninë e Madhe. Fill pas referendumit, Skocia deklaroi se një referendum për Pavarësinë nga Mbretëria e Bashkuar është shumë i mundshëm.
