Dy vëllezër në qytetin e Shkodrës dyshohet se kanë qëlluar me armë zjarri në drejtim të banesës së një 63-vjeçari.
Ngjarja ka ndodhur në fashtin Grudë të Shkodrës ku sipas njoftimit të policisë dy vëllezërit 37-vjeçari me iniciale A.K dhe 28-vjeçari me iniciale N.K kanë qëlluar në drejtim të banesës së 63-vjeçarit Gjergj Mëhillaj.
Mësohet se fatmirësisht nuk ka patur të lënduar. Në vendngjarje ndodhen shërbimet e policisë dhe po punohet për zbardhjen e ngjarjes dhe kapjen e autorëve.
Njoftimi i Policisë:
Më datë 08.01.2020, rreth orës 12:40, në fshatin Grudë, Shkodër, është qëlluar me armë zjarri në drejtim të banesës së shtetasit Gj. M. 63 vjeç, pa shkaktuar dëme në njerëz.
Nga veprimet e para hetimore autorë të dyshuar janë shtetasit A. K. 37 vjeç, dhe N. K. 28 vjeç, (vëllezër) banues ne lagjen Skenderbeg Shkodër.
Në vendngjarje ndodhen shërbimet e policisë, veprimet po kryhen me grup hetimor dhe punohet për zbardhjen e ngjarjes dhe kapjen e autorëve./Opinion.al/
