Dy gra të vrara dhe dy gra të plagosura nga Dan Hutra në familjen Hysa në Kodër Kamëz. 41-vjeçari hyri i armatosur me kallashnikov në shtëpinë e familjes Hysa.
Emisioni Uniko nga Spartak Koka në Klan Plus ka mundur të bisedojë me anëtarët e familjes Hysa. Në shtëpinë e tyre kanë mbetur ende shenjat e plumbave të kallashnikovit të Dan Hutrës.
Ky nuk quhet as njeri, nuk e di çfarë mund ta quaj. Njeri shumë i pamoralshëm, shumë i pafytyrë”, thotë kryefamiljari Zaim Hutra.
“Njeri pa gjak, njeri pa familje, njeri pa njeri. Ai është monstër.Ja kemi lënë shtetit, po e shohim që s’ka shtet”, shprehet i indinjuar Erjon Hysa, i cili në këtë tragjedi humbi motrën dhe nusen e tij shtatzënë, Mevluten.
Një plumb i armës është në pllakat e dhomës së ndenjies. Një tjetër plumb i qitur nga kallashi i Dan Hutrës ka prekur edhe dollapin në korridor dhe ka tejkaluar në anën tjetër.
Kurse një plumb i tretë që ka lënë gjurmë në shtëpinë e familjes Hysa është tek shkallët e mermerit në pjesën e jashtme.
Në oborr kanë qenë duke larë makinën Mevlute Hysa (motra e ish-bashkëjetueses së Dan Hutrës) dhe Hasime Dafku 30 vjeçe (e fejuara e vëllait të ish-bashkëjetueses). Dy gratë i vrau fillimisht duke i goditur me thikë dhe më pas kur u largua i qëlloi edhe me armë.
Më pas hyri brenda banesës dhe plagosi me armë ish-bashkëjetuesen Elena Hysa 35 vjeçe dhe nënën e saj Kujtime Hysa 60 vjeçe.
“Ka ardhur në befasi”, tregon Erioni.
Anëtarët e familjes Hysa bëjnë apel dhe kërkojnë ndihmë nga shteti pasi ndihen të frikësuar pas humbjes së të afërmve të tyre.
Ata u përgjigjen edhe deklarimeve që kanë dhënë nëna dhe motra e Dan Hutrës në një intervistë televizive, ku ishin në të njëjtën linjë mendimi sa i përket dyshimeve për atësinë e fëmijës së Hutrës.
Këto deklarime, familja Hysa i konsideron një “vrasje të dytë”.
“Po na vrasin për së dyti me këto akuza që po bëjnë, ndaj jemi të gatshëm të bëhen analizat e ADN-së të shikohet atësia e fëmijës”, thotë Erjon Hysa./Tv klan.al
