Deputetja e PD-së dhe kryetarja e Komisionit të Integrimit, Majlinda Bregu ka theksuar se nuk do ketë çelje negociatash në dhjetor, pasi test do jenë zgjedhjet e 2017-ës.
Nëpërmjet një shënimi në facebook, Bregu shkruan se procesi i integrimit është për qytetarët dhe me të nuk mund të fitojë kredo një parti e vetme politike.
Deklarata e saj, vjen vetëm pak orë, pasi deputeti i Bundestag-ut Gjerman, Gunther Krichbaum ka deklaruar në Tiranë se Shqipëria duhet të përmbushë 7 kushte që Gjermania të japë “ok” e saj për hapjen e negociatave me BE.
Shënimi i plotë:
Nuk besoj se pret njeri date celje negociatash ne dhjetor. Sidomos 6 muaj para zgjedhjeve parlamentare.
Ndjese, por kush nuk e kupton procesin, vendos e heq data sipas qejfit ose axhendes.
Por celja e negociatave nuk eshte kurore per qeverine. Aq me pak per kete qeveri.
Eshte vazhdim i procesit qe shqiptaret ia caktuan qeverive te ketij vendi si detyrim pavaresisht radhes se pushtetit.
Procesi nuk duhet ndalur, negociatat duhet te hapen si nje inkurajim per ate pjese te dedikuar te administrates publike qe ka besuar e punuar per Shqiperine europiane, duhet te hapen si nje garanci per qytetaret shqiptare qe qeveria do monitorohet e do kontrollohet ne cdo reforme qe ndermerr e qe s’ndermerr,qe sukseset e reformave sdo te jene imagjinare por te prekshme e te pakthyeshme, qe zgjedhjet do te jene ne plotesim te plote te standarteve demokratike, qe ligjet e miratura duhet te zbatohen, qe pandeshkueshmeria te mos i zere me frymen vendit.
