Nga Majlinda Bregu
Shoh që ka filluar një “ndezje” nëpër Facebook, për një iniciative që kam depozituar vjet për të mos lejuar MEDIAT ONLINE të publikojnë komente fyese pas lajmeve që botojnë.
“Ndezja” vjen pasi iniciativa është në Programin e Punës së Kuvendit.
Për të gjithë “të tronditurit”!
Ka qenë aty prej një viti e gjysmë!
Nuk ka dalë kurrë nga Programi, sepse ne vendosëm së bashku me komisionin e ligjeve që të prisnim vendimin e Gjykatës së Strasburgut nëse: Fshirja e komenteve të MEDIAVE ONLINE , përsëris MEDIAVE JO LLOGARIVE të FB , është shkelje e lirisë së shprehjes apo jo!
Në Korrik 2015, Dhoma e Madhe e Gjykatës së Strasburgut ka vendosur se fshirja e komenteve anonime që cenojnë, fyejnë, kërcënojnë, denigrojnë të tjerë, NUK prek dhe as cenon lirinë e shprehjes, si dhe portalet e Mediave Online janë të detyruara të mos lejojnë ose fshijnë publikimin e tyre.
Që do të thotë:
Nëse dikush ndjehet i cënuar dhe do të padisë në Gjykatë një Media Online që lejon botimin e felliqësirave nga individë anonimë si komente mbi lajmin, (duke e nisur sharjen nga fëmija foshnjë i personit deri tek gjyshi i vdekur), Gjykata Shqiptare i referohet për bazë ligjore në marrjen e vendimit, Gjykatës së Strasburgut.
Mediat me serioze në botë e kanë ndaluar ose ju kërkojnë të regjistrohen komentuesve dhe vendosin filtra për gjuhën e urrejtjes dhe fyerjet.
Pra, për këdo që mendon se mospublikimi i sharje/kercenim/ mallkim komenteve, cënon lirinë e fjalës e të medias në Shqipëri; kushdo është “ndezur” sot dhe nga kushdo të jetë “ndezur” e për cilën do arsye ” të jetë ndezur”, le të protestojë ndaj Gjykatës e Strasburgut se “po cënon lirinë e shprehjes në Shqipëri”!
Unë isha në bindjen time në të njëjtën linjë me të!
Kaq!
