Ka një statistikë interesante te Brazili, që e bën Seleçaon të ndihet më i sigurtë në fitimin e një tjetër titulli Botëror dhe që lidhet me një lojtar në veçanti, Phelipe Coutinhon.
Në fakt dhe statistika që çon Brazilin te titulli i 6-të lidhet pikërisht me këto detaje të vogla, e në dukje të parëndësishme. Përveç Pele që shënonte dhe jepte asist në 3 ndeshjet e tij të para si debutues në Suedi, sa herë që një futbollist i Brazili shënon ose jep asist në 3 ndeshjet e para të Botërorit, gjithmonë Seleçao arrin të fitojë titullin kampion.
Në 1970-ën Jairzinho shënoi në të 6-ta ndeshjet që Brazili luajti në Botëror, përfshi dhe 3 takimet e para ndaj Çekosllovakisë, Anglisë dhe ndaj Rumanisë, me Seleçaon që në fund rrëmbente titullin e 3-të. Në 1994-ën futbollisti që vendosi këtë statistikë të veçantë ishte Romario, që realizoi në 3 ndeshjet e para të amerikano jugorëve, në fitoren 2-0 ndaj Rusisë, suksesin 3-0 ndaj Kamerunit dhe në barazimin 1-1 me Suedinë, shkruan super sport.
E njëjta histori përsëritet dhe në vitin 2002, por këtë herë janë dy lojtarët që shënojnë ose japin asist në 3 ndeshjet e para, Ronaldo dhe Rivaldo. Në fitoren 2-1 ndaj Turqisë, të dy yjet brazilianë mundën të shënonin, ashtu siç bënë dhe në fitoren 4-0 ndaj Kinës, ndërkohë golat e tyre nuk munguan as në suksesin 5-2 ndaj Kosta Rikës. Në fund Brazili rrëmbeu titullin e pestë falë fitores 2-0 me Gjermaninë në finale. Një histori që mund të përsëritet dhe në Rusi të paktën bazuar në statistikat e Coutinhos në Rusi 2018.
