Neymar dhe Suarez luftojnë për të njëjtën kauzë kur veshin fanellën e Barcelonas, por nesër në Recife të Brazilit ata do të jenë kundërshtarë. Dhe nuk do të luhet vetëm për fitoren, por edhe për një hamburger.
Po, nuk e lexuat gabim. Fituesi i ndeshjes Brazil kundër Uruguai nuk duhet të gëzohet për arritjen sportive, nderin e kombit dhe lavdinë…por për një hamburger.
Basti që kanë vënë Neymar dhe Suarez kundër njëritjetrit, do t’i shtojë ndeshjes së vlefshme për kualifikimin në Rusi 2018 pak më shumë piper se zakonisht, siç e thotë vetë sulmuesi uruguaian: “Kam vënë një bast me Neymar. Kush fiton ndeshjen merr një hamburger.”
Kjo do të jetë ndeshja e parë e Suarez pas kafshimit të famshëm që i bëri Giorgio Chiellinit gjatë botërorit të fundit në Brazil.
