Ministria e Shëndetësisë njoftoi dje aplikimin e terapisë me plazëm në trajtimin e personave të prekur nga Covid.
Drejtori i Urgjencës Kombëtare Skënder Brataj, i është bashkuar nismës “Bëhu hero për dikë që ka nevojë”, për dhurimin e gjakut, për trajtimin e terapisë së re me plazmë.
Në apelin e tij Brataj thekson se kjo nismë duhet të përqafohet sa më shpejtë nga të gjithë ata që e kalojnë infeksionin me qëllim grumbullimin e gjakut për trajtimin e pacientëve në spital që do të kenë nevojë për transfusion.
“Besoj se jam i pari ose një nga të parët personel mjekësor i infektuar në Shqipëri dhe po marr pjesë të fillojmë këtë inisiativë me të gjithë qytetarët shqiptarë që do të marrin pjesë për dhurimin e gjakut me qëllim që kjo alternativë kurimi për këtë sëmundje të fillojë sa më shpejtë edhe në Shqipëri. Kjo është një nismë që duhet të përqafohet sa më shpejtë nga të gjithë ata që e kalojnë infeksionin, të grumbullohet sa më shumë gjak me qëllim që të gjtihë pacientët e shtruar në spital që do të kenë nevojë për transfusion ta kenë atë në dispozicion”, shprehet Brataj./ Opinion.al
