Një 36-vjeçare, e cila braktisi në Suedi, 2 vajzat e saj të mitura, 13 dhe 15 vjeçe, me qëllim që të kërkonin azil në këtë shtet është kapur në Rinas dhe është proceduar penalisht nga policia.
Uniformat blu bëjnë me dije se ka nisur procedimi në gjendje të lirë për shtetasen D. Ç., 36 vjeçe, banuese në Tiranë, për veprën penale “Braktisja e fëmijëve të mitur”.
Nga veprimet hetimore ka rezultuar se gruaja në fjalë ka braktisur në Suedi, 2 vajzat e saj të mitura me qëllim që të kërkonin dhe të përfitonin azil, në këtë shtet. Në kuadër të bashkëpunimit me autoritetet policore në Suedi, 2 të miturat janë kthyer në Shqipëri.
Policia Kufitare bën me dije se do të vijojnë kontrollet në të gjitha pikat e kalimit, për dokumentacionin, si dhe intervistime për përmbushjen e kushteve për lëvizjen drejt vendeve të BE-së apo vendeve të tjera, për të gjithë qytetarët./Opinion.al
