Zv-kryeministri Erion Braçe në një emision televiziv deklaroi se drejtori i portalit syri.net, Çim Peka është fshehur pas publikimit të një lajme të rremë, për tërmetin, mbrëmjen e së dielës.
“Në dijeninë time drejtori i syri.net është fshehur. Kjo nuk është punë e gazetarit. Drejtori i syri.net të dalë dhe të shkojë në polici të japë shpjegime. Policia ka nevojë për shpjegime”, ka thënë nurmi dy i qeverisë.
Por në fakt drejtori i portalit syri.net, Çim Peka ishte këtë të hënë në një lidhje direkte në emisionin Opinion. Ai tha se lajmi ku pretendohej se në orën 23:30 të së dielës do të binte tërmet i fortë, ka qëndruar i botuar rreth 3 deri në 5 minuta në portalin e tij. Sipas tij, gazetari që botoi këtë lajm e mori nga mediat të tjera online.
“Ka ardhur policia në redaksi. Më bëjnë telefon më thonë do ta verifikojmë, do shoqërojmë gazetarin. Dakord i thashë merreni gazetarin. Gazetari më thotë unë mbaj çdo përgjegjësi për këtë që kam hedhur. Deri në orën 05:00 të mëngjesit gazetari është mbajtur në polici nën presion nga Ardi Veliu. Ka hetuar për evazion fiskal nëse janë të siguruar nga unë”, ka sqaruar Çim Peka./ Opinion.al
