Trajneri i kombëtares gjermane, Joachim Low nuk ka përfshirë në listën e Botërorit, sulmuesin e Bayern Munich, Sandro Wenger.
Menjëherë pas kësaj, 30 vjeçari ka reaguar për gazetën ‘Bild’ në lidhje me mos grumbullimin në kombëtare, ku ka zyrtarizuar edhe dorëheqjen nga kombëtarja gjermane.
“Unë me këtë rast jap dorëheqje menjëherë nga ekipi kombëtar”- tha Wanger për të përditshmen gjermane.
Sulmuesi debutoi me ekipin kombëtar në vitin 2017, ku dhe ndihmoi Gjermaninë të fitonte Kupën e Konfederatave.
“Unë do të gënjeja nëse do të thosha se nuk jam i zhgënjyer, të shkoja në Kupën e Botës do të ishte një gjë e mrekullueshme. Natyrisht, nuk mund t’a marr aq seriozisht, pasi siç e kam thënë edhe shumë herë, ka gjëra shumë më të rëndësishme në jetë se sa futbolli” ka përfunduar Wenger.
