Biletat e shitura për Boterorin “Rusi 2018” kanë kapur shifra rekord.
Shefi i Departamentit të shitjes së biletave në FIFA, Falk Eller ka thënë se deri ditën e mërkurë janë shitur mbi 2.2 milionë bileta.
Ndërkohë Eller deklaroi se shumica e këtyre biletave janë blerë nga tifozë të huaj dhe interesin më të madh e kanë shfaqur tifozët nga SHBA, Brazili dhe Kolumbia.
Gjithashtu nga ana tjetër FIFA ka deklaruar se duke nisur nga dita e mërkurë të gjithë personat që kanë blerë bileta për të parë ndeshjet e Botërorit dhe nuk do të mund të jenë në stadium, mund të bëjnë një ndryshim në emrin në bileta në mënyrë që një person tjetër të hyjë pa probleme në stadium.
Në të njëjtën kohë, personat mund ti kthejnë biletat e blera dhe më pas të rimbursohen, në mënyrë që FIFA ti rishesë përsëri biletat.
