Këngëtari legjendar i muzikës “country” dhe në të njëjtën kohë kitarist, Roy Clark është ndarë nga jeta mbrëmjen e së enjtes. “Variety” raporton se fituesi i çmimit “Grammy” humbi jetën si pasojë e pneumonisë në shtëpinë e tij në Tulsa,Okla në moshën 85-vjeçare.
Clark e ka nisur karrierën e tij në moshën 14-vjeçare. Ai luante në kitarë, violinë, mandolinë, harmonikë dhe shumë instrumente të tjera.
Ai është më së shumti i njohur për suksesin në show-n “Hee Haww”. Roy Clark ishte një figurë shumë e rëndësishme për muzikën “country” si performues. Ndërsa ndihmoi që njerëzit të adhuronin edhe këtë zhanër paksa të harruar të muzikës.
