Zavidovici (BOSNJE- HERCEGOVINE) – Mbrëmë pas mesnate një mjet shpërthyes është hedhur në çatinë e një stacioni policor në qytetin e Zavidovicit. Mediat vendese i referohen prokurorisë kur shkruajnë se ka dyshime se mund të ketë qenë një sulm terrorist.
Fatmirësisht nuk ka pasur polic të lënduar por vetëm dëme materiale. Ndërkohë ende policia nuk ka rënë në gjurmë të autorit, apo autorëve të mundshëm.
Po sipas mediave boshnjake, policia dhe prokuroria janë angazhuar maksimalisht për hetimin e kësaj ngjarje, të dyshuar si terroriste.
Edhe zëdhënësi i Ministrisë së Brendshme ka thënë mëngjesin e sotëm se dyshimet janë të forta për një akt terrorist, ndaj gadishmëria në Bosnjë nga sot është maksimale.
*Në foto: Vendi i ngjarjes dhe në hartë qyteti Zavidovići
