Përfaqësuesi i Lartë për Politikën e Jashtme të Bashkimit Evropian, Josep Borrell, ka konfirmuar se ka takuar Kryeministrin e Kosovës, Albin Kurti dhe presidentin e Serbisë, Aleksandar Vuçiç.
Ai thekson se stabiliteti dhe paqja në rajon mund të arrihen përmes normalizimit të marrëdhënieve mes Kosovës dhe Serbisë.
“Stabilitet i qëndrueshëm dhe paqja në rajon mund të arrihen vetëm përmes normalizimit të marrëdhënieve në mes të Kosovës dhe Serbisë. Rruga drejt kësaj kalon përmes dialogut të ndërmjetësuar nga Bashkimi Evropian”, ka shkruar Borrell.
Takimet Borrell-Kurti dhe Borrell-Vuçiç janë zhvilluar në margjina të Konferencës së Sigurisë në Mynih të Gjermanisë.
