Shefi i politikës së jashtme të Bashkimit Evropian, Josep Borrell, ka bërë thirrje për një armëpushim të menjëhershëm në luftën mes Izraelit dhe Hamasit .
Përmes një postimi në rrjete sociale, ai shkruan se është koha që Këshilli i Sigurimit i Kombeve të Bashkuara të veprojë.
Borrell i bëri thirrje izraelit të lejojë dërgesa e ndihmës në Gaza.
“I bashkohem thirrjes së nënpresidentes amerikane, Kamala Harris, për një armëpushim të menjëhershëm në Gazë. Pastaj, nuk duhet të ketë pengesë për një rezolutë të Këshillit të Sigurimit për këtë”, shkruan Borrell.
Kujtojmë se nënpresidentja amerikane, Kamala Harris, i bëri thirrje Hamasit që të pajtohet për një armëpushim të menjëhershëm gjashtëjavor.
Lufta mes Izraelit dhe Hamasit nisi pasi pjesëtarët e Hamasit u futën vrullshëm në jug të Izraelit më 7 tetor, duke i vrarë 1.200 njerëz, kryesisht civilë, dhe duke i rrëmbyer 250 pengje.
Më shumë se 30.000 palestinezë janë vrarë në Rripin e Gazës prej atëherë, sipas autoriteteve shëndetësore palestineze nga ofensiva ajrore, detare dhe tokësore e Izraelit, e cila ka shkaktuar rrënim të madh në enklavë./Opinion.al
I join US @VP Kamala Harris’ call for an immediate ceasefire in Gaza. There should then be no obstacle for a #UNSC resolution to that effect.@VP rightly said that too many people have been killed and urged Israel to allow unimpeded humanitarian access. Time for the UNSC to act.
— Josep Borrell Fontelles (@JosepBorrellF) March 4, 2024
