52-vjeçari Boris Johnson, gazetari i kthyer në konservator, ish-kryebashkiaku i Londrës, është tërhequr nga gara për kryeministër. Tërheqja e tij “dramatike” ka lënë në garë Theresa May dhe Michael Gove, Sekretarin e Drejtësisë. Michael Gove ka thënë se ish-Kryebashkiaku i Londrës nuk mund ta siguronte udhëheqjen për të ndërtuar ekipin e ri qeveritar.
Ai shtoi: “Prandaj, unë kam vendosur të vendos emrin tim përpara, drejt qëllimit të fitores”. Ndërkohë më herët,Theresa May, Sekretarja Britanike, e cila do të luftojë për postin e kryeministrit, ka goditur rivalin e saj kryesor të mundshëm “Boris Johnson”, si dhe Sekretarin e Drejtësisë Michael Gove, duke i paralajmëruar se politika “nuk është një lojë”.
Sekretarja Theresa May gjatë një deklarate për shtyp bëri të qartë se nuk do të përpiqet të mbështesë ata që janë kundër daljes se Britanisë, duke shtuar se “Brexit do të thotë Brexit”.
Ajo ka thënë se do të krijojë një departament të ri qeveritar të talentuar dhe se nuk do të urdhërojë një buxhet emergjence në përgjigje të votimit mbi Brexit dhe se nuk do të kërkojë zgjedhje të parakohshme përpara datës së parashikuar për vitin 2020.
May tha: “Pas referendumit të javës së kaluar, vendi ynë ka nevojë për udhëheqje të fortë në këtë periudhë të pasigurisë ekonomike dhe politike. Gjithashtu duhet të negociojmë për të krijuar kushtet më të mira të mundshme”.
Gjithashtu Theresa ka përmendur Margaret Thatcher dhe Angela Merkel, si gratë që e aspirojnë për të udhëhequr vendin. “Nuk ka rëndësi nëse është një burrë apo grua, ajo që ka rëndësi është cilësia e individit”.
