Shefi i Politikës së Jashtme të BE, Joseph Borell ka folur në Samitin e BE në Tiranë duke treguar çështjet që do të diskutohen.
Duke folur për gazetarët, Borell u shpreh se në Samit do të flitet për të përballuar pasojat e luftës së Rusisë në Ukrainë, si dhe për sulmet kibernetike ndaj Shqipërisë, për të cilat theksoi se BE i ka ofruar ndihmë Kryeministrit Edi Rama.
“Jemi tejet të përshkushtuar ndaj rajonit për ta mbështetutr për të përballuar pasojat e luftës, çmimet energjisë janë rritur shumë. Shqipëria po kështu është goditur nga sulmet kibernetike. Kam fokur me Kryeministrin Rama, i kam ofruar mbështetje për t’u përballur me sulmet kibernetike”.
Ndër të tjera, Borell tha se do të flitet për dialogun Kosovë-Serbi, për të cilën u shpreh se një ditë më parë u është dërguar një tjetër propozim me mbështetjen e Gjermanisë dhe të Francës.
“Dhe po kështu për dialogun mes Prishtinës dhe Beogradit. Ky është një moment i rëndësishëm. Duhet te angazhohen mirëfilli në dialog me propozimin që është hedhur në tryezë me mbështetjen e fortë të Gjermanisë dhe Francës. Teksti i fundit i është dërguar dje Prishtinës dhe Beogradit. Tashmë janë ata që duhet të angazhohen”, u shpreh Borell./Opinion.al
