Gazetari francez Frederi i BFMTV, Leclerc-Imhoff u vra pranë Severodonetsk, një qytet ukrainas në qendër të ofensivës ruse.
Gazetari ishte duke raportuar mbi evakuimin e civilëve nga qyteti Guvernatori rajonal i Luganskut, Serhiy Gaidai tha: “Sot automjeti ynë i blinduar, i përdorur për evakuime, do të merrte 10 persona nga zona, kur u vu nën zjarrin e armikut. Bombardimet e granatave shpuan blindat e makinës dhe një gazetar francez, i cili po raportonte për evakuimin, u plagos për vdekje”.
Redaksia e BFMTV dhe grupi mediatik Altice kanë shprehur dhimbjen për vdekjen e gazetarit të tyre.
“Frédéric Leclerc-Imhoff, reporter i imazheve, u vra të hënën në rrugën për në Lyssytchansk në rajonin Severodonetsk, Ukrainë. Gazetari ynë po mbulonte luftën në vazhdim. Ai mbeti viktimë e predhave teksa po ndiqte një operacion humanitar në një automjet të blinduar të hënën. Ai shoqërohej nga kolegu i tij Maxime Brandstaetter, i cili mbeti i plagosur lehtë gjatë kësaj goditjeje.
32-vjeçari Frédéric Leclerc-Imhoff punonte prej 6 vjetësh për kanalin tonë. Ai ishte i diplomuar në Institutin e Gazetarisë Bordeaux Aquitaine. Ishte misioni i tij i dytë në Ukrainë që nga fillimi i pushtimit rus, i cili filloi më 24 shkurt”, njofton redaksia e cila thekson se “kjo ngjarje tragjike na kujton rreziqet që kanë të gjithë gazetarët të cilët prej më shumë se tre muajsh raportojnë për këtë konflikt duke rrezikuar jetën”.
