Gjykata e Apelit ka shtyrë seancën gjyqësore ndaj Arbër Paplekajt, ish-efektivit të RENEA-s i dënuar për vrasjen e Pjerin Xhuvanit.
Kujtojmë se ngjarja ndodhi vetëm katër ditë para zgjedhjeve parlamentare të vitit 2021.
Përmes një njoftimi zyrtar, gjykata njofton se seanca gjyqësore është shtyrë si pasojë e bojkotit të avokatëve.
“Përshëndetje! Në vijim të komunikimeve mbi veprimtarinë e Gjykatës së Apelit të Juridiksionit të Përgjithshëm, ju njoftojmë se:
Sot me date 05.06.2024, ora 09:30, ishte planifikuar seanca gjyqësore e cështjes penale ndaj te pandehurve Arbër Paplekaj, etj.
Mbi bazën e vendimit nr. 1, datë 04.06.2024 të Këshillit të Përgjithshëm të Dhomës së Avokatisë të Shqipërisë për “Bojkotimin e të gjitha proçeseve gjyqësore civile, penale….”, seanca gjyqësore u shty në datë 21.06.2024, ora 09:30.
Ju faleminderit!”, njoftoi gjykata
