Politikani Gjergj Bojaxhi, ish-kreu i Sfida-s i ka dhënë një shumë të konsiderueshme (borxh) kompanisë Tis Park, që ma marrë me koncesion parkimet në Vlorë nga kryebashkiaku i majtë Dritan Leli.
Bojaxhi, i është drejtuar Gjykatës së Tiranës me një padi ku kërkon nga ‘TIS Park’ kthimin e borxhit prej 225 mijë dollarësh që i ka dhënë hua administratorit të kësaj firme Bashkim Shalla.
Shumë e dyshimtë është kjo marrëdhënie e politikanit Gjergj Bojaxhi me biznesmenin Shalla, pasi nuk njihej zyrtarisht një ortakëri në biznes.
Shqiptarja.com ka publikuar vendimin e Gjykatës së Tiranës e cila pak kohë më parë ka vendosur sekuestro preventive mbi asetet e ‘Tis Park’ për llogari të ish-kreut të Sfidë-s Gjergj Bojaxhi, sekuestro mbi 385 mijë dollarë.
Në materialet e gjykatës shkruhet se më 22 prill 2016 rezulton se Bojaxhi i ka dhënë Ballës në formë huaje 225 mijë dollarë sipas një marredhënie noteriale për tia kthyer këtë shumë brenda tre muajve.
Ndërkohë veç shifrës së borxhit prej 225 mijë dollarë Bojaxhi kërkon nga administrator i Tis Park dhe kthimin e interesave të akumuluara nga periudha e mos respektimit të kthimit të borxhit.
Tis Park u krijua në vitin 2015 për të menaxhuar parkimet në Vlorë por dhe pse zyrtarisht kjo kompani ka statusin aktive në QKR prej më shumë se 2 muaj nuk e ushtron akivitetin e menaxhimit të parkimeve në qytetin bregdetar.
Bojaxhi garoi në këto zgjedhje me partine e themeluar prej tij, por nuk arriti te futet ne parlament. Ai gjithnje ka folur per “karta te hapura” te financimit te partive. Por fakti qe ka hedhur 225 mije USD per nje kompani qe u themelua per te marre nje koncesion ne Vlore ben te dyshosh për lidhje te tjera politike-biznes.
/Opinion.al
