Kompania amerikane Boeing ka njoftuar se do të ulë prodhimin mujor të avionëve “737 MAX” nga 52 në 42 të tillë në muaj. Aktualisht mbi 350 avionë të kësaj serie që ishin të shpërndarë nëpër botë, janë bllokuar në tokë pas aksidenteve në Indonezi dhe Etiopi.
Sipas ekspertizës të rrëzimit të avionit në Etiopi, shkak për tragjedinë është bërë sistemi i avionit dhe jo manovrat e gabuara të pilotit. Administratori i Boeing, Dennis Muilenburg, ka pranuar përgjegjësinë e kompanisë duke kërkuar falje për jetët e humbura, si edhe është zotuar se avionëve do t’u bëhet azhornimi i programeve.
Gjithsesi, deri më tani nuk ka një afat se përsa kohë avionët e serisë “737 MAX” do të qëndrojnë të bllokuar në tokë./Opinion.al
