PD ka nisur negociatat për bashkimin e grupit të Berishës me atë të Alibeajt që të shkojnë në zgjedhjet vendore me një kandidat të përbashkët.
Nënkryetari i PD, Luciano Boçi tha në një konferencë për mediat këtë të mërkurë se po zhvillohen biseda intensive brenda PD që të arrihet bashkimi i demokratëve.
“Nuk kanë munguar bisedimet, kanë qenë intensive, vazhdojmë të jemi në bisedime për atë që e kemi konsideruar si problemin kryesorë të demokratëve, bashkimin e tyre. Do vazhdojmë të bisedojmë sepse duam të arrijmë bashkimin e demokratëve, është realizuar në mënyrë horizontale në bazë, por duam që të jetë dhe vertikal me zërat e deputetëve ndryshe. Këto janë bisedime që kanë marrë formë më mediatike, ku është kërkuar gjetja e një negocimi, do vijohet biseda në nivele deputetësh, por dhe nga ne që jemi pjesë e grupit parlamentar. Mos harrojmë që kemi pasur një kërkesë për të pasur një qëndrim për Reformën Zgjedhore”, tha Boçi.
