Ish-sulmuesi italian Bobo Vieri, një “play boy” i pandreqshëm dhe beqar edhe pse në moshën 42-vjeçare, duket se ka vendosur t’i japë fund vetmisë.
Dhe përmes një postimi në “Instagram”, ai ka shkruar: “Dua të fejohem”.
Një deklaratë që ka befasuar të gjithë, por ajo që habit më shumë është se përse Vieri, një sulmues që ka bredhur gjysmën e Serisë A kërkon të fejohet.
Dhe përgjigjja duket se është Alena Seredova, ishbashkëshortja e portierit të Juventusit, Gigi Buffon, me të cilin ajo është ndarë pak muaj më parë.
Buffon tashmë ka një lidhje tjetër, por bukuroshja Seredova jo, e cila kohët e fundit ndodhet në Majemi bashkë me fëmijët që ka nga martesa me portierin.
Përveç diellit të nxehtë në Majemi po kaq i nxehtë ka qenë edhe celulari i Seredova, pasi mësohet se ajo është telefonuar dhjetra herë nga ishsulmuesi.
Vieri nuk ka humbur kohë, por është hedhur në sulm për t’u lidhur me bukuroshen çeke, tashmë “single”, për ta ftuar në një lidhje serioze apo darkë romantike.
