Ka patur debate të ashpra ditën e sotme, kur u mblodh Grupi Parlamentar i PS-së, me dyer të mbyllura.
Mbledhja u shoqërua me tensione, mes deputetit kontrovers, Ben Blushi dhe kryetarit, Rama.
Mbledhja, e cila ishte thirrur për letrën e deputeteve Hafizi dhe Dade për ngjarjet në takimin e Elbasanit duket se ka qenë e tensionuar.
Ben Blushi ka akuzuar Ramën se nxiti anëtarët e PS-së në Elbasan që ta sulmojnë.
“Nuk kanë faj ata njerëz, por ti që i shtyve të silleshin ashtu”, mësohet t’i ketë thënë Blushi Ramës.
Nga ana tjetër, Rama, i nxehur ka folur për akuzat e Blushit për deputetët me rekorde kriminale.
“Ku i ke deputetët e inkriminuar. Fol, ke gjithë këto kohë që shpif”, i tha Rama Blushit.
Blushi më pas ka përmendur emrin e Tom Doshit.
Pas kësaj Rama është nxehur dhe e etiketoi Blushin si “rrugaç dhe shpifës”.
Më pas Blushi tregoi se ministrja Kodheli i ishte lutur që të mos e fuste në listën e kandidatëve për zgjedhjet e 2013s deputetin Arben Ndoka, por Rama nuk e dëgjoi.
Në fund të mbledhjes, fjalën e mori deputeti Pjerin Ndreu, i cili tha se ngjarja e Elbasanit nuk e nderonte PSnë.
Mirëpo Ndreu, kritikoi Blushin, që sipas tij, nuk ka të drejtë të sillet në atë mënyrë se kërkon kreun e Partisë.
“I them Blushit që synimi për kryetar nuk duhet t’ia errësojë arsyen e argumentin. Të thuash se ka banditë në një kohë kur ishe anëtar kryesie dhe nuk the asgjë për dy vjet më duket amorale. Armando
Prengës, me të cilin ti ke drekuar nuk i është toleruar asgjë, por i është ashpërsuar pozita nga vetë Policia”, tha Ndreu./ Panorama.al
