Duke iu referuar anëtarësimeve të reja në PS, fushatë kjo e ndërmarrë nga kryeministri Rama, kandidati për Kryetar Ben Blushi thotë se nuk duhet përdorur shteti për të rritur partinë.
Sipas tij, është e dhunshme të marrësh administratën dhe ta anëtarësosh në parti.
“Si ka mundësi të pranosh në PS vajza dhe djem që thonë erdha në PS sepse shërbimi i punësimit më dha një punë, sepse shërbimi social më dha një asistencë. Ne po marrim administratën, po e fusim në parti”.
“Me favoret që jep shteti i kërkojmë të marrin tesera. Kjo është e padrejtë, kjo është e dhunshme. E detyrojmë një njeri me halle të marrë teserën”, tha Blushi në emisionin “Studio e Hapur”.//a.h
