TIRANË- Socialisti Ben Blushi ka dhënë një deklaratë të gjatë për mediat sot në përfundim të mbledhjes së grupit socialist. Blushi tha po pengohen zgjedhje në Partinë Socialiste. “Mu tha në mbledhje se nuk do të ketë Asamble, se e bëmë në korrik”. Të gjithë mund të zgjidhen në PS, vetëm kryetari i partisë Jo…”
Pjesë nga deklarata e Ben Blushit para selisë së PS-së
Pse ka frikë të zgjidhet Edi Rama? Çfarë e pengon? Është koha për tu votëbesuar. Siç e parashikon statuti i partisë duhet të ketë zgjedhje çdo katër vjet, por në Partinë Socialiste nuk bëhen zgjedhje që nga 2009.
Kjo nuk po ndodh dhe për fat të keq është një mandat i grabitur nga Rama. E thashë edhe brenda mbledhjes si ka mundësi që një grupim politik që qeveris vendin, që do të bëjë reformën në drejtësi por nuk zbaton rregullat e saj në parti. Po kush na beson ne?
A mund të vijë një djalë apo vajzë 18 vjeç të anëtarësohet në PS, aty ku nuk ka zgjedhje?
Për ta sqaruar më qartë çfarë po ndodh po ju sjell një shembull. Socialistet kanë në parlament shumicën. A mundet që me shumcë vote të vendoset të mos ketë më zgjedhje parlamentare në Shqipëri? Pra e njëjta gjë po ndodh në PS. Shumica nuk lejon të ketë zgjedhje në parti…
