Kreu i Libra-s Ben Blushi në një status të tijin në “Facebook”, është ndalur në një nga problemet më shqetësuese sociale. Bëhet fjalë për varësinë nga kumari. Sipas Blushit, Libra ka një plan për të bërë pastrimin e vendit nga ky ves shkatërrues. Ai propozon zhvendosjen e lojërave të fatit në zona të posaçme larg vendeve të banuara.
Statusi i plotë i Blushit:
LIBRA DO PASTROJË TIRANËN NGA VESET
LIBRA do ti pastrojë qytetet nga lojrat e fatit.Tirana, Durrësi, Fieri, Shkodra,Elbasani, Vlora, Korca, etj do të shpëtojnë nga gracka e kumarit dhe nga plagët që ai shkakton. Kush do të luajë të ardhmen e vet duhet të dalë jashtë qyteteve ku do krijohen zonat e lira për kënaqësitë e vesit. Ju premtoj se fëmijët që shkojnë në shkollë dhe gratë nuk do shohin më baballarët dhe burrat duke humbur te cepi i lagjes.
