Themeluesi i “Libras”, Ben Blushi duke folur nga foltorja e Parlamentit tha se çadra e sotme e PD është krejt e ngjashme me çadrën e 2010 të PS. Sipas tij, kjo nuk është protestë për popullin, por për karrierën e liderit dhe në rastin konkret të Bashës. Sipas Blushit, të dyja partitë e vjetra mbështetën tek paterica e Ilir Metës, pasi “pa të nuk vijnë dot në pushtet”. Blushi tha se paterica “LSI” po e mbështet protestën, por pa rënë shumë në sy…
Blushi: “Para 7 vitesh ishte e njëjta situatë me çadër në Bulevard. Partitë e vjetra imitojnë njëra-tjetrën. Unë skam qenë në çadër në 2010 dhe smund të jem as në 2017. Koha do të tregojë se kam të drejtë. Në dy rastet fatkeqësisht nuk ishte nevojë e popullit ajo që nxorri partitë në protesta, por ishte kërcënimi i karrierës së liderit. Atëherë ishte Rama në pushtet, sot është Basha. Sali Berisha ishte në ballkon dhe Edi Rama në çadër, sot është e kundërta.
Skur dy partitë çalamane të mos futen në grevë pa patericën e Ilir Metës asnjëra nuk vjen në pushtet me këmbët e veta. Paterica si të gjitha patericë mbetet, vihet në punë edhe kur vdes pronari. LSI është në anën e protestës…(çon protestues natën në çadër).
Atëherë çadra u ngrit dhe qeveria tha se po pengohen vizat, sot qeveria thotë se çadra po pengon vetingun. Këto nuk janë protesta popullore si në Rumani, këto janë protesta për të ardhur në pushtet”.
