Përfaqësuesi i PD në komisionin e reformës në drejtësi, Oerd Bylykbashi:
“Jemi këtu (në kryesinë e kuvendit) që në orën 20:30, përfaqësuesit socialistë refuzojnë të bëjnë këto ndryshime të domosdoshme. Ramë sot dakord për ta finalizuar draftin, është esenciale dhe e domosdoshme.
Formula për Këshillin e Lartë Gjyqësor (KLGJ) duhet të njëjtë me Vetingun, siç e rekomandoi Komisioni i Venecias.
Kemi rënë dakord në mbledhjen e ditës së hënë për këtë formulë. Kjo ka qenë një marrëveshje në parim.
Ajo që kërkojmë ne është që formula për Vetingun të përdoret dhe për KLGJ dhe KLP me nga 5 anëtarë. Ky është edhe varianti hibrid që ka propozuar znj.Nuland. Çdo gjë tjetër e futur në draftin e dakordësuar nuk pranohet nga ne.
Ky ndryshim është bërë nga komisioni (vetëm nga PS) pa praninë e PD dhe as LSI-së.
PS në mënyrë tinzare do të fusë votën e transferueshme për trafikimin e votës në KLGJ dhe KLP. Është tentativë për të marrë kontrollin mbi këto institucione të reja të drejtësisë.
Do të presim këtu deri në orën 00:00 kur është edhe limiti për votimin e këtyre ndryshimeve”.
