Pas disa javësh mungese 2 aleatet e majtë Edi Rama e Ilir Meta kanë rimbledhur njësinë e koordinimit të koalicionit në vilën 30 të shoqëruar nga 2 kryetarët e grupit parlamentar ku nuk ka munguar dhe sekretari i përgjithshëm i kryeministrit.
Pas takimit 100 minutësh Gramoz Ruçi mohon të jetë folur për reformën.
Gramoz Ruçi: “Reforma në drejtësi ka një kryetar të komisionit atje, nuk ishte takimi për reformën.”
Por Petrit Vasili thotë të kundërtën dhe i kërkon opozitës të heqë dorë nga kushtet e të vijojë dialogun.
Petrit Vasili, Kryetar i Grupit Parlamentar të LSI – së :“Askush nuk mund të bëjë opstruksionizëm të sëmurë apo dialog me kushte përsëri të sëmurë.”
Pavarësisht se palët që prej ditës së djeshme u vendosën sërisht në pozicionet e vjetra larg konsensusit, LSI shfaqet optimiste se palët do ta gjejnë gjuhën e përbashkët përpara vizitës së komisionerit Han, me 30 mars. /Tv Klan
