Partia Demokratike është duke zhvilluar protestë, e cila ka përfshirë jo vetëm kryeqytetin por edhe pesë akse të tjera në vend.
Qytetarë të shumtë kanë dalë në pika kyçe të rrugës, duke bllokuar në këtë mënyrë qarkullimin e mjeteve.
Situatë e njëjtë paraqitet edhe te Kthesa e Kamzës. Njëri prej protestuesve ka folur me megafon nga kjo pikë e bllokuar, ku përsëriti kërkesën e opozitës për qeveri teknike.
“Rama ik, Rama ik. A jeni të vendosur apo jo?24 mln euro vetëm charter-at e Ramës, ndërkohë pensionistët vuajnë për bukën e gojës, vdesin se s’kanë lekë për ilaçe. Qeveri Teknike, qeveri teknike. Reforma në drejtësi ka dështuar, SKAP-i është i kapur. Poshtë Edi Rama”, u shpreh protestuesi.
