Në vijim të axhendës së tij, Sekretari Amerikan i Shtetit, Antony Blinken ka mbërritur në Presidencë.
Ai do të zhvillojë një takim me presidentin e Republikës Bajram Begaj.
Më herët Blinken zhvilloi një takim me punonjësit e ambasadës amerikane në Tiranë për të shprehur vlerësimin për punën e bërë në forcimin e marrëdhënieve mes dy vendeve.
Ndërsa në vijim ai pritet të takojë kryeministrin Rama me të cilin do të ketë edhe një konferencë për shtyp.
Po ashtu ai do të marrë pjesë në një aktivitet të veçantë rinor te Piramida e Tiranës.
Sipas ambasadës së SHBA në Tiranë, Blinken do të takohet me drejtues të sistemit të drejtësisë në Shqipëri.
