Kreu i Partisë Demokratike, Sali Berisha ka folur për gazetarët jashtë dyerve të parlamentit.
Gjatë fjalës së tij, Berisha ka komentuar shpalljen non-grata të Antony Blinkenit në çdo institucion politik të SHBA-ve nga presidenti Donald Trump.
Ai tha se Blinken paraqet rrezik për sigurinë dhe se kjo që po i ndodh është karma.
“Tani që u bë për atë qëllim, mos ki asnjë dyshim sepse deklarata që bëri kryetari i komitetit të partisë republikane, nuk kishte dhe nuk mund të bëhej kurrë me dëshirën apo vullnetin e Sali Berishës. Ajo ishte një deklaratë që buronte nga thellësitë e establishment republikan, sepse George Soros është faktuar, ju e morët vesh besoj që Antony Blinken që është non-grata për çdo zyrë federale të SHBA, pra ky njeri nuk mund të futet në asnjë institucion si rrezik për sigurinë kombëtare. E merrni vesh ju kush është Edi Rama, i lidhur me të si mish me kockën. Antony Blinken, Rama më rrihte gjoksin më kishte shpallur non-grata mua. Karma është ashtu siç e dini e vet ju, spo e them unë”, është shprehur Berisha.
