Policia e Kosovës ka zënë pozicione nëpër rrugët dalëse nga sheshet kryesore të Prishtinës. Masat e shtuara të sigurisë vijnë pasi në orën 14:00 opozita do të protestojë në Ditën e Pavarësisë.
“Nga qytetet dhe fshatrat e Kosovës po vijnë konfirmimet për pjesëmarrje”, thuhet në një njoftim të Lëvizjes Vetëvendosje.
Ky 8 vjetor i Pavarësisë e gjen politikën në Kosovë të ndarë. Opozita ka bojkotuar prej muajsh parlamentin. Sot paradite qeveria mbajti një ceremoni të shkurtër në kujtim të kësaj dite, ndërsa tani e ka radhën opozita e cila ka paralajmëruar protestë masive.
