Drejtoresha e Spitalit të Durrësit Ardjola Frashëri është pezullur nga gjykata pas kerkeses se prokurorise për shkak se ka shpërdoruar detyrën, pasi ka shkelur ligjin per tenderat.
Në 23 raste të hetuara drejtoresha Frashëri edhe ish-drejtori Taulant Baku, i cili gjithashtu është nën hetim, kanë urdhëruar kryerjen e prokurimit publik me procedurën e “Negociimit pa njoftim paraprak”.
Prokuroria e Durrësit konsideron si shkelje ligjore procedurat e prokurimit publik për mallra dhe shërbime, si: blerje nafte, shërbim kateringu, shërbim ruajtje civile, riparim pavionesh, blerje materiale pastrimi, si edhe për blerje medikamentesh dhe materialesh mjekësore, ndërsa dëmi ekonomik llogaritet në vlerën e rreth 70 milionë lekëve.
