Bleona Qereti tha në intervistën me Mamaqin edhe domethënien e emrit të saj. Edhe pse Bleona është emër mjaft i përdorur në Shqipëri, ajo shprehet se emri i saj e ka një domethënie.
Ajo tha se i ati e kishte pagëzuar me këtë emër duke bashkuar emrat e tri anëtarëve të familjes së saj, Bledar (vëllai), Olimbi (nëna) dhe Nazmi (babai).
Pasi tregoi simbolikën e emrit, Bleona tha se për 22 vite karrierë, mediat ia kanë shkruar gjithmonë gabim mbiemrin: “Kam 22 vite karrierë dhe akoma edhe sot dëgjoj Bleona Qerreti. E kam Qereti, me një R, jo me dy R. Po jua them për të fundit herë…” – tha Bleona në Xing.
