Pronari italian i disa restoranteve i la një trashëgimi prej 7 milionë eurosh shqiptarit që kujdesej për të, por tashmë 62-vjeçari Nuri Guga do të përballet me drejtësinë italiane.
Lajmi bëhet i ditur nga mediat italiane që shkruajnë se vëllezërit e biznesmenit Aldo Farinola nga Brindizi kanë denoncuar shqiptarin për ndryshim testamenti. Procesi gjyqësor ndaj 62-vjeçarit filloi pas 7 vitesh hetime rreth ngjarjes.
Sipas vëllezërve të biznesmenit që jetoi 93-vite, shqiptari që kujdesej për të ka përfituar nga gjendja e tij e dobët mendore për të bërë ndryshime në testament. Ndërkohë mediat italiane shkruajnë se Nuri Guga ishte shoku i vetëm i të ndjerit, si dhe theksojnë se Aldo Farinola nuk ka pasur asnjë fëmijë./Abc/
