Nga Drini Zeqo –
Ata që mendojnë se politika është një “biznes i madh” nuk duhet të ndihen në faj se po gabojnë. Suksesi që këta njerëz kanë provuar në korporatat e tyre, ka paralele shumë të ngjashme edhe me politikën. Kjo është e vlefshme në rastet kur këto pasuri janë vendosur në rrugën e duhur dhe pa abuzime.
Janë me qindra shembujt kur manjatët e bizneseve kanë garuar për poste të ndryshëm duke ja dale por edhe duke dështuar. Sipas studiuesve kjo kategori njërëzish sjell garanci tek votuesit aq më tepër kur bota po kalon në faza të ndryshme të frustracionit ekonomik.
Duke e lidhur këtë me aktualitetin Donald Trump është një prej këtyre emrave. Ai vendosi të hedhë kapelen e tij në garën zgjedhore për presidencialet amerikane në 2016-tën. Pasuria e tij llogaritet në 9 miliard dollarë. Por ai nuk është i pari dhe as do të jetë i fundit nga njerëzit që kanë bërë kalimin nga biznesi në politikë.
Mit Romney një nga bashkëthemeluesit e “Bain Capital” është një nga ata emra në kampin e republikanëve që dështoi në dy tentativat e tij e 2008-ën dhe 2012-ën në presidencialet amerikane.
Steve Forbes garoi për shtëpinë e bardhë në vitin 1996-të dhe 2000 si një kandidat republikan. Më pas ai mbeti vetëm në krye të perandorisë mediatike me të njëjtin emër.
Ross Perot themeluesi i sistemeve elektoronike që ju shitën “General Motors” dhe më pas “Perot Systems” e në fund u blenë nga ‘DELL” në vitin 2009-të. Biznesmeni bëri dy përpjekje ne vitin 1992 dhe 1996-të si kandidat i pavarur dhe I partisë reformuese dhe në të dyja rastet humbi përballë Bill Clinton-it.
Carly Fiorina është një tjetër kandidate me profil të lartë nga që bëri lëvizjen nga biznesi në politikë. Në vitin 2008-të ajo u bë këshilltarja e kandidatit presidencial John McCain.
Michael Bloomberg është një tjetër rast i të ardhurve në politikë nga fusha e biznesit. Ai ishte themeluesi i “Bloomberg LP”, një kompani që ofronte shërbime lajmesh financiare. Në rastin e tij njerëzit e shihnin si një model suksesi dhe frymëzimi duke e kthyer në kryetarin e 108-të të bashkisë së Neë York-ut për tre mandate duke nisur nga viti 2001.
Silvio Berlusconi është një “kazus” botëror padyshim. Ai ka mbajtur në katër qeveri postin e kryeministrit Italian. Akisoner kryesor i grupit “Mediaset” dhe i klubit të futbollit Milan, një prej njerëzve më të pasur të botës. I konsideruar me shumë se një herë ndër figurat me ndikim të madh ne rangun botëror po aq sa edhe një prej figurave më kontroverse europiane për stilin e tij të jetës.
Një nga personazhet e bujshëm të tranzicionit Shqiptar i cili shkaktoi një fortunë me vendimin e tij per tu futur në politikë ishte edhe Koço Kokëdhima. Ashtu sikurse parashikoj ai u kthye në një nga figurat kryesore të fushatës dhe më pas nga njërëzit kryesor të pushtetit me fitoren e të majtës në zgjedhjet e vitit 2013-të.
Por në listat e deputëtëve shqiptarë depërtuan shumë njerëz të tjerë të biznesit madje ata kryesisht janë të njohur për lidhjet speciale që kanë me kryetarët e partive.
Behgjet Pacolli është gjithashtu një nga nga biznesmenet e famshëm dhe të suksesshëm i cili vendosi të hynte në politikë. Ai është themeluesi i kompanisë “Mabetex”. Kryetar i AKR-së dhe gjatë viteve të fundit një aktor me rëndësi në skenën politike dhe shumë i angazhuar në njohjen e pavarësisë së Kosovës. Për pak kohë ai mbajti edhe postin e Presidentit të Republikës së Kosovës.
