Në tregun e punës mungojnë punonjësit me arsim parauniversitar. Sipas Drejtorit të Agjencisë Kombëtare të Punësimit dhe Aftësive, Klevis Hysa, mesatarisht çdo muaj publikohen rreth 5500 vende të lira pune, ku dominojnë ato me arsim të ulët dhe të mesëm.
Klevis Hysa: Mesatarisht çdo muaj, rreth 5500 vende të lira pune, ka pozicione pune me arsim të lartë, të mesëm, 9-vjeçar dhe deri pa arsim. Kërkesa për punonjës, dominon arsimi i mesëm dhe ai i ulët. Kjo shkon paralelisht me kerkesën e tregut, por ka një kërkesë në rritje dhe për profesionistët me arsim të lartë.
Ndërtimi dhe hoteleri-turizmi kanë edhe numrin më të lartë të kërkesave, por edhe kjo e fundit sipas Hysit për të rritur cilësinë e shërbimit po kërkon punonjës me arsim të lartë.
Klevis Hysa: Janë në dominim në sektorin e shërbimeve, hoteleri-turizmi dhe ndërtimi. Kërkesa për profesionsitët e komunikimit, teknologjisë e informacionit, marketingut, nga bizneset që kërkojnë punonjës me arsim të lartë. Edhe hoteleri-turizimi po kërkon me shkollë të mesme e të lartë për të rritur shërbimin.
Vetëm gjatë vitit që lamë pas përmes zyrave të punës janë punësuar 10 mijë persona më shumë, ku dominojnë qarqet e Tiranës, Durrësit, Fierit dhe Vlorës.
“Janë 10 mijë të punësur më shumë se 2023, ku janë në dominim në sektorin e shërbimeve, hoteleri-turizmit dhe ndërtimit. Qarqet që punësojnë më shumë janë ato qarqe që kanë numrin më të lartë të punësuarve dhe kryeson Tirana.”
Përmes programeve të nxitjes së punësimit, gjatë 1 viti janë punësuar edhe afro 2500 persona nga shtresat në nevojë.
Tv Klan
