Ish-zëvendëskryeministri nga radhët e Bashkimit Demokratik për Integrim në Qeverinë e Maqedonisë Musa Xhaferri, theksoi se ka përkrahjen e popullit dhe se do të kthehet në skenën politike.
Ai ka folur për skandalin me përgjimet dhe theksoi se në Maqedoni gjithmonë ka ekzistuar kjo gjë.
“Ky është degjenerim i sistemit”, theksoi ai dhe shtoi se në vitet 2000 dhe 2001 ka pasur përgjime dhe është për keqardhje që kjo gjë po ndodh vazhdimisht.
Xhaferi ka folur edhe për rastin e tij personal kur në opinion dolën incizime të bisedës së tij me një grua, identiteti i të cilës është nuk është vërtetuar por që besohet se është deputetja shqiptare Ermira Mehmeti.
“Ajo është montim për qëllime politike”, theksoi Xhaferri.
Ai e pranon se ky incizim i ka bërë probleme në shtëpi, por se ato probleme janë tejkaluar dhe sipas tij ai incizim nuk meriton që publikisht të flitet për të, transmeton TetovaSot.
