Pas regjistrimit në gjykatë, janë zbuluar edhe detajet e para nga partia “Bindja Demokratike”. Megjithëse në gjykatë është dorëzuar me emrin e kryetarit Astrit Patozi, kjo parti nuk do të ketë një kryetar, por një bord drejtues. Ndërkohë, Astrit Patozi do të ushtrojë funksionin e koordinatorit.
Ajo që bie në sy në emrat e anëtarëve të bordit, është Andi Përmeti, deputeti më i ri i Parlamentit shqiptar që pranoi mandatin nga lista PD-së në Korçë. Nga ana tjetër, nuk figuron emri i Rudina Hajdarit, e cila prej një jave mban postin e kryetares së grupit parlamentar të Partisë Demokratike.
Anëtarët e bordit drejtues janë Arben Skënderi, Valbona Mezini, Fabian Topollaj, Astrit Patozi, Andi Përmeti dhe Leonard Olli./Opinion.al
