Ish presidenti amerikan Bill Clinton deklaron se prosperiteti do të kthehet në vend, nëse amerikanët votojnë bashkëshorten e tij si presidente të ardhshme.
“Në opinionin tim këto zgjedhje shërbejnë për të gjetur një mënyrë se si të sjellim prosperitetin në vend. Këtë mundësi e patëm një herë në 1990, kur unë pata nderin ti shërbej vendit”, tha Bill Clinton gjatë një fjalimi të mbajtur para mbështetësve në Iowa.
Ish-presidenti amerikan radhiti gjithashtu edhe sukseset e bashkëshortes së tij në kohën kur ishte Sekretare e Shtetit.
“Kur Hilari ishte Sekretare e Shtetit, edhe pse unë nuk e besoja se do t’ia arrinte, ajo mundësoi që Kina dhe Rusia të nënshkruanin sanksionet ndaj Iranit. Ajo bëri marrëveshjen bërthamore me Presidentin rus Vladimir Putin dhe kjo është e vetmja gjë që ka mbijetuar në marrëdhëniet tona të brishta me Rusinë”, tha ai
Por Bill shmangu komentet mbi kritikat ndaj Clinton për përdorimin e e-mailit të saj personal për çështje pune në kohën kur ishte Sekretare e Shtetit.
