Një automjet është përfshirë nga flakët gjatë natës në zonën e Bilishtit. Sipas policisë, zjarri ka rënë në mjetin tip ‘Volkswagen’ në pronësi të Marsel Buçit. Në momentin kur ka marrë flakë makina ka qenë e parkuar pranë banesës së Buçit.
“Rreth orës 02:30 ka rënë zjarr në automjetin tip “Volksëagen” në pronësi të qytetarit M.B. Në momentin kur ka marrë flakë, makina ka qenë e parkuar përpara banesës së tij në Bilisht.
Grupet hetimore po punojnë për sqarimin e rrethanave dhe përcaktimin e shkaqeve të aksidentit dhe rënies së zjarrit”-njofton policia.
